ജർമനിയിൽ മില്യൺ കുട്ടികൾ ദാരിദ്യ്രത്തിൽ വളരുന്നു

ജർമനിയിൽ 1.15 മില്യൺ കുട്ടികൾ ദാരിദ്യ്രത്തിൽ വളരുന്നതായി ഏറ്റവും പുതിയ സ്റ്റാറ്റിക്സ് റിപ്പോർട്ട് വെളിപ്പെടുത്തുന്നു. പതിനഞ്ച് വയസ്സിൽ താഴെ പ്രായമുള്ള കുട്ടികളുടെയും അവരുടെ കുടുംബങ്ങളുടെയും ഇടയിൽ നടത്തിയ പഠനമാണ് ഈ ഞെട്ടിപ്പിക്കുന്ന വിവരം പുറത്ത് കൊണ്ടു വന്നത്. ജർമൻ ഗവൺമെന്റ് നൽകിയ അഭ്യർത്ഥന പ്രകാരം ബെർട്ടെൽസ്മാൻ സ്റ്റിഫ്റ്റൂങ്ങ് നടത്തിയ പഠനത്തിലാണ് ഇത്രയധികം ഗൗരവമേറിയ വിഷയം പുറത്തു വന്നത്. ഏതാണ്ട് 2.1 മില്യൺ കുട്ടികൾ തങ്ങളുടെ മാതാപിതാക്കൾക്ക് ഗവൺമെന്റിൽ നിന്നും ലഭിക്കുന്ന ഹാർട്ട് ഫിയർ സഹായത്താൽ വലിയ ദാരിദ്യ്രം ഇല്ലാതെ വളരുന്നു. എന്നാൽ ഈ ഹാർട്ട് ഫിയർ സഹായം ലഭിക്കാനുള്ള വരുമാന പരിധിക്ക് ഒരു ശതമാനത്തിന് മുകളിലുള്ള കുടുംബങ്ങളിലെ കുട്ടികളാണ് തികച്ചും ദരിദ്രരായി വളരുന്നത്.

ദാരിദ്യ്രത്തിൽ വളരുന്ന ഈ 2.1 മില്യൺ കുട്ടികൾക്ക് തങ്ങളോടൊപ്പം പഠിക്കുന്ന സഹപാഠികളോടൊപ്പം എന്തെങ്കിലും കളിപ്പാട്ടങ്ങൾ, മിഠായി, വസ്ത്രം എന്നിവ വാങ്ങാനോ, ഒരു ലഘുയാത്ര നടത്താനോ സാധിക്കുന്നില്ല. അതുപോലെ തണുപ്പ് കാലത്ത് ആവശ്യത്തിന് വേണ്ട വസ്ത്രങ്ങൾ, വേണ്ടത്ര പോഷകാഹാരം എന്നിവ ലഭിക്കാതെ ഈ കുട്ടികൾ സമൂഹത്തിൽ വളരുന്നു. ഈ ശോച്യാവസ്ഥക്കെതിരെ സംസ്ഥാന, ഫെഡറൽ ഗവൺമെന്റുകൾ കണ്ണുതുറന്ന് വേണ്ട സഹായം നൽകണമെന്ന് ജർമൻ ചിൽഡ്രൻസ് ബുണ്ട്, ഫാമിലി ബുണ്ട് എന്നിവർ അഭ്യർത്ഥിക്കുന്നു.