സർക്കാർ പരസ്യങ്ങളിൽ ഇനി രാഷ്ട്രപതി, പ്രധാനമന്ത്രി, ചീഫ് ജസ്റ്റിസ് ഓഫ് ഇന്ത്യ എന്നിവരുടെ ചിത്രം മാത്രം ഉൾക്കൊള്ളിച്ചാൽ മതിയെന്ന് സുപ്രീം കോടതി നിർദേശം. മന്ത്രിമാരുടെയോ രാഷ്ട്രീയക്കാരുടെയോ മറ്റുള്ളവരുടെയോ ചിത്രങ്ങൾ സർക്കാർ പരസ്യങ്ങളിൽ പതിക്കേണ്ടതില്ല. അന്തരിച്ച ദേശീയ നേതാക്കളുടെ ചിത്രങ്ങളും പ്രസിദ്ധീകരിക്കാം. പരസ്യങ്ങൾ നിയന്ത്രിക്കുന്നതിന് മൂന്നംഗ കമ്മിറ്റിയെ സർക്കാർ നിയമക്കണമെന്ന് സുപ്രീം കോടതി ആവശ്യപ്പെട്ടു.
രാഷ്ട്രപതി, പ്രധാനമന്ത്രി, ചീഫ് ജസ്റ്റിസ് ഓഫ് ഇന്ത്യ എന്നിവരുടെ ചിത്രങ്ങൾ ഉപയോഗിക്കാമെങ്കിലും അതിനു അനുവാദം വാങ്ങിക്കണം. കേന്ദ്ര, സംസ്ഥാന സർക്കാരുകൾ ഇറക്കുന്ന പരസ്യങ്ങളിൽ മുഖ്യമന്ത്രിമാർ, ഉദ്യോഗസ്ഥർ, രാഷ്ട്രീയ നേതാക്കൾ എന്നിവരുടെ ചിത്രങ്ങൾ ഇനി ഉപയോഗിക്കാൻ കഴിയില്ല. ഇത്തരം രീതികൾ വ്യക്തികളെ ആരാധിക്കുന്ന സമ്പദായം സൃഷ്ടിക്കും, കോടതി നിരീക്ഷിച്ചു.
സാമൂഹിക പ്രവർത്തകനും അഭിഭാഷകനുമായി പ്രശാന്ത് ഭൂഷൺ സമർപ്പിച്ച ഹർജിയിലാണ് കോടതി മാർഗനിർദേശം നൽകിയത്. നികുതിദായകരുടെ പണത്തിൽ നിന്നാണ് പരസ്യങ്ങൾ നൽകുന്നത്. ഇതിന്റെ ദുരുപയോഗം തടയണമെന്നും പ്രശാന്ത് ഭൂഷൺ വാദിച്ചു.
No comments:
Post a Comment